Ərdoğan Yunanıstanın Baş naziri ilə telefon danışığı apardı

Rəcəb Tayyib Ərdoğan Yunanıstanın Baş naziri Kiriakos Miçotakis ilə telefon danışığı aparıb.

Teleqraf.com xəbər verir ki, bu barədə Türkiyə Prezidenti Administrasiyasının Kommunikasiya İdarəsi bildirib.

Telefon danışığı zamanı İsrail və Fələstin arasındakı münaqişələr və regionda insan haqlarının pozulması müzakirə edilib.

Bir çox narahatlıq doğuran hadisələrlə bağlı fikir mübadiləsi aparılıb.

Ərdoğan bildirib ki, Türkiyə regional və qlobal miqyasda son dərəcə mənfi nəticələri ola biləcək bu münaqişəli prosesə son qoymaq üçün hər cür səy göstərəcək.

Telefon danışığı zamanı, Ərdoğan riskin azaldılması istiqamətində addımların tez bir zamanda atılmasının düzgün olacağını bildirib.