Kremldə gərgin müzakirə: Rusiya seçkiyə Putinsiz gedir?

“Kreml hələlik Vladimir Putinin 2024-cü il prezident seçkilərində iştirakı ilə bağlı qərar verməyib”.

Teleqraf.com xəbər verir ki, bunu Rusiya liderinin mətbuat katibi Dmitri Peskov deyib.

“Hələlik bununla bağlı heç bir qərar verilməyib”, - Kremlin sözçüsü müvafiq suala cavabında bildirib.

“Kommersant” qəzeti bundan əvvəl yazmışdı ki, komandası Putinin namizədliyini irəli sürmək variantını nəzərdən keçirir.

“Müxtəlif variantlar müzakirə edilir, bunlar sosioloji nəticələrlə müqayisə ediləcək”, - məqalədə deyilir.

Məlumata görə, Putinin komandasında onun seçkilərdə namizədliyi ilə bağlı təşəbbüs qrupunun yaradılması ilə bağlı fəal müzakirələr gedir. Yekun qərar hələ razılaşdırılmayıb, amma onun tərkibinə müğənni Şaman, rejissor Nikita Mixalkov və Rusiyanın ilk qadın kosmonavtı Valentina Tereşkova daxil ola bilər. Ümumilikdə, təşəbbüs qrupunda ən azı 500 nəfər olmalıdır.

ABŞ-ın Müharibə Araşdırmaları İnstitutu (ISW) hesab edir ki, Putin 2024-cü il seçkilərində namizəd olmaq niyyətindədir. Bununla belə, o, seçki kampaniyası çərçivəsində Ukrayna ilə müharibə mövzusundan yayınmağa çalışacaq. ISW qeyd edir ki, onun kampaniyasının əsas vurğusu “Məsih Putin” və ya “Rusiyanı sülh adasına çevirmiş lider” üzərində olacaq.

Prezident seçkilərinin vaxtı hələlik məlum deyil.