Şəhəri “İskəndər” raketi ilə hədəfə aldılar - Dərhal məhv edildi

Rusiya gecə saatlarında Ukrayna ərazisinə “Şahid” tipli PUA-lar (İran istehsalı) və raketlərlə zərbələr endirib.

Teleqraf.com xəbər verir ki, bu barədə Ukrayna ordusunun Baş Qərargahı məlumat yayıb.

“Rusiya işğalçıları bu gecə 4 S-300 zenit raketi, 1 “İskəndər-K” qanadlı raketi və 11 “Şahid” tipli hücum PUA-larından istifadə etməklə Ukraynaya növbəti dəfə zərbə endirib”, - məlumatda deyilir.

Ukraynanın hərbi aviasiyası “İskəndər-K” qanadlı raketini və 10 hücum PUA-sını məhv edib.

Zərbələr nəticəsində Donetsk vilayətinin Selidov şəhərindəki mərkəzi şəhər xəstəxanası, “Kotlyarivska” mədəninin binası və digər mülki infrastruktur dağılıb və zədələnib.