“Quş qripi”ndən ölənlərin sayı 5-ə çatdı

Misirdə “quş qripi”nə (H5N1) yoluxanların və bu xəstəlikdən dünyasını dəyişənlərin sayı artmaqda davam edir. Belə ki, bu virusa yoluxma nəticəsində bu gün daha bir nəfər dünyasını dəyişib.

Teleqraf.com-un BBC-yə istinadən məlumatına görə, ilin əvvəlindən ölkədə “quş qripi”ndən ölənlərin sayı 5-ə çatıb.

Bu fakt Ümumdünya Səhiyyə Təşkilatını (ÜST) narahat edir. Qeyd olunur ki, əgər keçən il ərzində Misirdə virusa yoluxanlardan 11 nəfər vəfat etmişdisə, bu ilin ilk ayında ölənlərin sayı artıq 5-ə çatıb. Ölkədə “quş qripi”nə yoluxma hallarına əsasən kənd yerlərində rast gəlinir.