Ərdoğan Macarıstana gedəcək

Türkiyə prezidenti Rəcəb Tayyib Ərdoğan bu gün Macarıstana səfər edəcək.

Teleqraf.com bu barədə Türkiyə KİV-inə istinadən xəbər verir.

Ərdoğanın səfər çərçivəsində Macarıstan prezidenti Katalin Novak və baş nazir Viktor Orban ilə görüşəcəyi qeyd olunur.

Səfərin əsas məqsədi ikitərəfli əməkdaşlıq və iqtisadi münasibətlərin müzakirəsi, o cümlədən iki ölkə arasında ticarətin həcminin artırılaraq 6 milyard dollara çatdırılmasını nəzərdə tutan strategiyanın hazırlanması təşkil edir.

Həmçinin, Türkiyə və Macarıstanın energetika sahəsində mühüm layihələr həyata keçirəcəyi, 2024-cü ildən etibarən Türkiyənin Macarıstana təbii qaz ixrac edəcəyi qeyd olunub.

Bundan başqa, səfər çərçivəsində Qəzza zolağındakı vəziyyət də müzakirə olunacaq.