Pakistanın cavabı sərt oldu – İran ərazisi bombardman edildi

Pakistan İranın onun ərazisinə hava zərbələri endirməsindən iki gün sonra bu hücuma cavab verib.

Teleqraf.com xəbər verir ki, bu barədə “Röyter” agentliyi kəşfiyyat mənbələrinə istinadla məlumat yayıb.

Pakistan tərəfindən hava zərbələrinin rəsmi təsdiqi yoxdur, amma İran mediası bir neçə raketin Pakistanla həmsərhəd olan Sistan-Bəlucistan əyalətində bir kəndə düşdüyünü, 7 nəfərin həlak olduğunu bildirib.

İran yanvarın 17-də Pakistan daxilində “İsrailə bağlı qruplaşmalar”ı hədəfə alıb. Pakistan hücumda mülki şəxslərin vurulduğunu və iki uşağın öldüyünü açıqlayıb. Pakistan hücumun ağır nəticələri barədə İrana xəbərdarlıq edib.