ABŞ Türkiyəyə şərtini açıqladı: “Nə qədər ki...”

Türkiyənin F-35 qırıcılarının istehsalı proqramına qaytarılması məsələsi hazırda müzakirə olunmur.

Teleqraf.com xəbər verir ki, bunu ABŞ Müdafiə Nazirliyinin (Pentaqon) sözüçsü Patrik Rayder deyib.

Pentaqonun sözçüsü Türkiyənin F-35 proqramına qaytarılmasını mümkün hesab edən ABŞ dövlət katibinin müavini Viktoriya Nulandın bəyanatını belə şərh edib:

“Bununla bağlı Dövlət Departamentindəki həmkarlarımızın açıqlamalarını görmüşəm. Nə qədər ki Türkiyənin S-400-ləri var, o məsələ müzakirə olunmayacaq”.

Dünən Nuland bildirmişdi ki, ABŞ Türkiyəni F-35 proqramında məmnuniyyətlə görmək istəyir, amma Ankara bunun üçün Rusiyadan aldığı S-400 raket kompleksləri məsələsini həll etməlidir.