Ukraynanın istədiyi silah göndərilir – “Növbəti paketdə olacaq”

Ukrayna növbəti hərbi yardım paketlərində F-16 qırıcıları və 300-500 kilometr mənzilli raketlər gözləyir.

Teleqraf.com xəbər verir ki, bunu Ukrayna ordusunun Birləşmiş Qüvvələrinin komandanı, general-leytenant Sergey Nayev deyib.

Onun sözlərinə görə, bu, Ukraynaya döyüş meydanında daha böyük uğurlar əldə etməyə və ərazini azad etməyə imkan verəcək.

Döyüş meydanında hansı silahların həlledici rol oynaması ilə bağlı sualı cavablandıran Nayev müharibənin ilk ayında NLAW, JAVELIN tank əleyhinə raket kompleksləri və STINGER, STARSTREAK və PIORUN tank əleyhinə raket sistemlərinin effektli işlərinə diqqət çəkib.

General qeyd edib ki, M777A1, FH70 haubitsaları və CAEZAR, AHS Krab, PzН-2000, M109 özüyeriyən artilleriya qurğuları Rusiya ordusunun bir sıra istiqamətlərdə üstünlüyü ələ keçirmək səylərinin qarşısını alıb.

Bundan əlavə, Nayev Ukraynaya M142 HIMARS və M270 yaylım atəşi sistemləri, eləcə də NASAMS, IRIS-T və “Patriot” ortamənzilli müdafiə sistemlərinin verilməsinin vacibliyini vurğulayıb.

“Düşmənin “İskəndər” və “Kinjal” ballistik raketlərindən etibarlı müdafiə təmin etdik”, - general söyləyib.