Rus ordusuna ağır zərbə: Darmadağın edildi

Son sutka ərzində cəbhədə Rusiya və Ukrayna qüvvələri arasında 81 toqquşma baş verib.

Teleqraf.com xəbər verir ki, bu barədə Ukrayna Silahlı Qüvvələrinin Baş Qərargahı məlumat yayıb.

Kupyan, Liman, Baxmut, Avdiv, Marin, Novopavlovsk, Zaporoje və Xerson istiqamətlərində Rusiya qoşunlarının çoxsaylı hücumları dəf edilib.

Ukrayna ordusu bütün cəbhə boyu qarşı tərəfə müqavimət göstərir.

Son sutka ərzində Ukrayna hərbi aviasiyası Rusiyanın canlı qüvvəsinin yerləşdiyi 10 ərazi, 1 idarəetmə məntəqəsi və zenit-raket komplekslərinin dislokasiya edildiyi 10 mövqeyə zərbələr endirib. Həmçinin Rusiya ərazisindən atılan 23 “Şahid” tipli hücum PUA-sının (İran istehsalı) hamısı məhv edilib.

Ukrayna raket qoşunlarının bölmələri də rusların 1 idarəetmə məntəqəsi, 4 silah-sursat anbarı və 5 artilleriya qurğusunu sıradan çıxarıb.