ABŞ Rusiyanı xəbərdar etdi - Ballistik raketi işə saldı

4 və 6 iyun tarixlərində ABŞ Minuteman III qitələrarası ballistik raketinin (ICBM) iki sınaq buraxılışını keçirəcək.

Teleqraf.com xəbər verir ki, bu barədə ölkənin Kosmik Qüvvələrinin komandanlığı məlumat yayıb.

Qeyd olunur ki, sınaqların keçirilməsində məqsəd ABŞ-nin nüvə qarşısının alınması qüvvələrinin hazırlığını və effektivliyini yoxlamaqdır.

Atışlar Kaliforniyadakı Vandenberq Hərbi Hava Qüvvələri bazasından həyata keçiriləcək. Bildirilir ki, ABŞ sınaqlarla bağlı Rusiya Federasiyasını əvvəlcədən xəbərdar edib.