Trampdan maraqlı vəd

Respublikaçılar Partiyasından prezidentliyə namizəd Donald Tramp qalib gələcəyi təqdirdə Rusiya və Çinlə qarşıdurmanı davam etdirmək üçün ABŞ Kosmik Qüvvələrinin Milli Qvardiyasını yaradacağına söz verib.

Teleqraf.com xarici mətbuata istinadən xəbər verir ki, bu sözləri siyasətçi Detroytda (Miçiqan) seçiciləri qarşısında çıxışı zamanı bildirib.

"Birləşmiş Ştatların Kosmik Qüvvələrinin əsas döyüş ehtiyatı kimi Milli Kosmik Qvardiyanı yaratmağın vaxtı çatıb. Prezident kimi mən Milli Kosmik Qvardiya ilə bağlı tarixi qanunvericiliyə imza atacağam", - o deyib.

Respublikaçı hesab edir ki, 2019-cu ildə Kosmik Qüvvələrin yaradılmasına göstəriş verməklə Rusiya və Çinin ABŞ-ı qabaqlamasına mane olub.

"Rusiya və Çin bizi məhv etdi, çünki diqqətimizi kosmosa cəmləməmişdik. İndi isə diqqətimizi cəmlədiyimiz üçün liderlik edirik", - Tramp vurğulayıb.

O, həmçinin ABŞ ordusunun gücləndirilməsinə, o cümlədən dronların, robot texnikasının, süni intellektin inkişafına, hipersəs silahlarının istehsalına investisiyalar vəd edib.