Putindən bunu 20 dəfə istəmişəm

"Siz elə bilirsiniz, mənim üçün asandır. Mən kreslodan yapışmıram. Respublika başçısı olmaq Allah qarşısında, xalq qarşısında, prezident qarşısında çox məsuliyyətli işdir. Mən bu vəzifəni istəməmişəm və heç vaxt kreslodan yapışmamışam".

ANS PRESS-in məlumatına görə, bu sözləri Çeçen Respublikasının başçısı Ramzan Kadırov "Qovorit Moskva" radiostansiyasına müsahibəsində deyib.

O, həmçinin bildirib ki, Rusiya prezidenti Vladimir Putindən dəfələrlə vəzifədən azad edilməyini istəyib. "Mən 20 dəfə vəzifədən azad edilməyimi istəmişəm, bu gün də istəyirəm".

Kadırov qeyd edib ki, Çeçenistan başqa regionlarla müqayisədə Rusiyanı ən çox dəstəkləyən regiondur.