Donetskdə ATƏT-in zirehli avtomobilləri yandırıldı

Donetskdə ATƏT-in Ukraynadakı xüsusi monitorinq missiyasının dörd zirehli avtomobili yandırılıb.

Bu barədə missiyanın “Twitter” səhifəsində məlumat yayılıb.

Məlumatda deyilir: “Bu gün gecə Donetskdə xüsusi missiyanın ofisinin yaxınlığında ATƏT-in dörd zirehli avtomobili açıq-aşkar yandırılaraq məhv edilib. Missiya belə hərəkətləri pisləyir”.

Hadisənin təfərrüatının daha sonra açıqlanacağı bildirilib.