Ruhani: “18 ədalətsiz qətnamə həmişəlik ləğv ediləcək”

“Tezliklə ölkənin iqtisadi qapılarının dünyanın üzünə açılmasının şahidi olacağıq”.

Teleqraf.com İran mətbuatına istinadən xəbər verir ki, bunu İran prezidenti Həsən Ruhani deyib.

O, bildirib ki, nüvə razılaşmasının icrasına yaxınlaşmaqla ölkəyə qoyulan beynəlxalq sanksiyaların ləğvinə start verilib: “Ümid edirəm ki, millət tezliklə sabitliyin və ölkənin iqtisadi qapılarının dünyanın üzünə açılmasının şahidi olacaq. Biz 2016-cı ilin yanvarında dünya fövqəldövlətlərinin İran İslam Respublikası qarşısında məğlubiyyətə uğramasının və ölkəyə qoyulan embarqoların aradan qaldırılmasının şahidi olacağıq. Yanvar ayında nüvə razılaşmasının icrasına başlanmasından sonra İran millətinə qarşı qəbul edilən 18 ədalətsiz qətnamə həmişəlik ləğv ediləcək” - deyə İran prezidenti bildirib.