7 Aprel 2016 17:16
1 154
12 Punto 14 Punto 16 Punto 18 Punto

"Vaşinqtonda keçirilən Nüvə Təhlükəsizliyi Sammiti "ABŞ-ın ailə tədbiri" idi".

Teleqraf.com xarici mediaya istinadən xəbər verir ki, bunu Rusiya prezidenti Vladimir Putin Sankt-Peterburqda keçirilən regional və yerli KİV-lərin iştirak etdiyi üçüncü mediaforumda çıxışı zamanı deyib.

Onun sözlərinə görə, bu sammitin gündəliyi 5 istiqamət üzrə müəyyən edilmişdi və Rusiyaya onlardan yalnız birində iştirak etmək təklif olunmuşdu: "Sammitə amerikalı həmkarım tərəfindən dəvət edilmişdim. Rusiya bir istiqamət üzrə yekun qərarda tövhəsini verə bilərdi. Ekspertlərlə məsləhətləşmələrdən sonra getməkdən imtina etdim. Rusiya məsələ ilə bağlı öz mövqeyini tərəfdaşlarına çatdırıb".

Putin ABŞ-ı silah plutoniumunun utilizasiyası razılığını yerinə yetirməməkdə ittiham edib. O bildirib ki, müvafiq saziş imzalanıb və tərəflər bu materialın sənaye üsulu ilə məhv edilməsi ilə bağlı razılığa gəliblər: "Bunun üçün xüsusi müəssisələr tikilməlidir. Biz öz vəzifəmizi yerinə yetirdik, amerikalılar isə yox".

Samir


Müəllif: