6 Sentyabr 2016 10:18
583

Vergilər Nazirliyində növbəti kadr dəyişikliyi baş verib.

Teleqraf.com “Report”a istinadla xəbər verir ki, vergilər naziri Fazil Məmmədov müşavirlərinin sayını 8-ə endirib.

Məlumata görə, nazir müşaviri Məhəmməd Nəcməddin oğlu Sadıqovu vəzifəsindən azad edib. Bununla da vergilər nazirinin müşavirlərinin sayı 9-dan 8-ə enib. Hazırda vergilər nazirinin müşavirləri Ələkbər Məmmədov, Riyad Hüseynov, Habil Məmmədov, İlqar Əhmədov, İlham Əmirəliyev, Taryel Quliyev, Elçin Məmmədov və Rəşad Həbibovdur.

Vergilər Nazirliyindən isə "Report"a açıqlamada "Məhəmməd Sadıqov artıq Nazirliyin əməkdaşı deyil" deyə bildirilib.

Məhəmməd Sadıqov Azərbaycan Silahlı Qüvvələri Baş Qərargahının rəisi Nəcməddin Sadıqovun oğludur.


Müəllif: