İlham Əliyev: Uğurlu əməkdaşlığımız davam etdiriləcək - YENİLƏNDİ

Prezident İlham Əliyev noyabrın 22-də Amerika Birləşmiş Ştatlarının dövlət katibinin köməkçisinin Avropa və Avrasiya məsələləri üzrə müavini xanım Bridcet Brinki qəbul edib.

Teleqraf.com xəbər verir ki, dövlətimizin başçısı xanım Bridcet Brinklə bu ilin yayında ikitərəfli münasibətlər, regional məsələlərlə bağlı apardıqları geniş müzakirələri xatırlayaraq ölkələrimiz arasında uğurlu əməkdaşlığın ABŞ-ın yeni administrasiyası ilə də davam etdiriləcəyinə ümidvar olduğunu bildirdi.

ABŞ dövlət katibinin köməkçisinin Avropa və Avrasiya məsələləri üzrə müavini xanım Bridcet Brink ölkəsinin Azərbaycana, bütövlükdə regiona olan güclü dəstəyini qeyd edərək Birləşmiş Ştatların bu istiqamətdə uzun müddət ardıcıl siyasət həyata keçirdiyini vurğuladı.

Görüşdə Azərbaycan Respublikası ilə Amerika Birləşmiş Ştatları arasında əlaqələrin hazırkı vəziyyəti və perspektivləri, Ermənistan-Azərbaycan, Dağlıq Qarabağ münaqişəsinin həlli yolları ətrafında geniş fikir mübadiləsi aparıldı.

10.05

ABŞ dövlət katibinin Avropa və Avrasiya məsələləri üzrə müşavirinin müavini Bricet Brinksin Azərbaycana səfəri başlayıb.

Bu barədə ABŞ-ın Azərbaycandakı səfərliyindən bildirilib. Bricet Brinks Azərbaycana bu gecə gəlib. Bu gün onun Azərbaycanın dövlət rəsmiləri ilə görüşləri planlaşdırılır.

Bu gün artıq prezident İlham ABŞ dövlət katibinin Avropa və Avrasiya məsələləri üzrə müşavirinin müavini, xanım Bridcet Brinki qəbul edib (APA).