“Davos Forumu mühüm vasitədir” – DEPUTAT

“Azərbaycanın iqtisadi sahədə uğurlarının dünyaya təqdim olunmasında Davos Forumu mühüm vasitədir. Azərbaycanın Davos Forumunda iştirakı ölkəmizin böyük iqtisadi uğurlar qazanmasına imkanlar yaradır”.

Teleqraf.com xəbər verir ki, bu fikirləri Milli Məclisin deputatı Tahir Rzayev deyib.

Tahir Rzayev bildirib ki, forumda ölkələrin iqtisadi inkişafı üzrə təhlillər də aparılır və bu təhlillərin nəticələri dünyanın Azərbaycana olan marağını artırır.

Davos Forumunda Azərbaycan Prezidentinin hər zaman yüksək səviyyədə qarşılandığını deyən Tahir Rzayev hazırki tədbir çərçivəsində də dövlət başçısının mühüm görüşlər keçirdiyini vurğulayıb. Onun fikrincə, Azərbaycan Prezidenti İlham Əliyevin Davos fəxri üzvlər klubunun nişanı ilə təltif olunması dövlət başçısının dünya miqyasında yüksək nüfuzunun göstəricisidir.

Səxavət