ALDP Tehran Paşayevə kömək üçün ictimaiyyətə müraciət etdi

Bu gün Azərbaycan Liberal Demokrat Partiyasının (ALDP) sədri Fuad Əliyev partiyanın bir qrup fəalı ilə görüşüb.

Teleqraf.com xəbər verir ki, ALDP sədri Fuad Əliyev İlaxir çərşənbə günü münasibətilə toplantı iştrakçılarını təbrik edib. Daha sonra ALDP-nin fəaliyyəti ilə bağlı fikir mübadiləsi aparılıb.

Fuad Əliyev çıxışı zamanı deyib ki, qarşıda partiyanın Qurultayı və digər tədbirlər var: "2018-ci ildə nəzərdə tutulan prezident seçkilərinə də hazırlaşmalıyıq. Bütün bunları nəzərə alaraq aktiv fəaliyyəti davam etdirməyi tövsiyə edirəm”.

Toplantıda ALDP Gənclər Təşkilatının sədri Murad Əliyev partiyanın gənc üzvlərindən Tehran Paşayevin asistoma (beynində şiş) diaqnozu ilə əməliyyat olunacağı haqda toplantı iştirakçılarına məlumat verib. Ona köməklik məqsədilə əməliyyat üçün vəsaitin yığılmasını təklif edib. Təklif bəyənilib və yardım etmək istəyən şəxslər 994709707477 nömrəsi ilə ödəmə terminallarından Portmanat vasitəsilə yardım edə bilərlər.

Bununla bağlı ictimaiyyətə müraciət qəbul olunub.

Cavad