Qəbələdə küləyin fəsadları- Ağaclar evlərin üzərinə aşdı

Qəbələdə güclü külək nəticəsində bir neçə ağac fərdi yaşayış evinin üzərinə aşıb.

Fövqəladə Hallar Nazirliyindən Teleqraf.com-a verilən məlumata görə, nazirliyin Şimal-qərb Regional Mərkəzinin xilasediciləri hadisə yerinə cəlb olunub və aşmış ağacların ərazidən uzaqlaşdırılması üçün tədbirlər görüblər.

Ağaclar hissələrə kəsilərək təhlükəsiz əraziyə daşınıb. Əməliyyat saat 16:20-də başa çatıb.