Bakıda çoban sürücünü döydü

Bakının Xəzər rayonunda sürücü döyülüb.

Teleqraf.com xəbər verir ki, Qala qəsəbəsində 1973-cü il təvəllüdlü Elman Şəfiyev “VAZ-2107” markalı avtomobillə qarşısına qəfil çıxan qoyun sürüsünü vurub. 10 baş heyvan tələf olub, avtomobilə də ziyan dəyib.

Elman Şəfiyev sürü sahibinə öldürdüyü heyvanlara görə pul ödəyəcəyini bildirib və öz aralarında razılaşmağı təklif edib.

Lakin heyvan sahibi hadisə baş verən əraziyə bir neçə nəfər tanışını çağırıb, mübahisə düşüb. Əlbəyaxa dava zamanı Elman Şəfiyev döyülüb.

Elman Şəfiyev xəsarət aldığı üçün xəstəxanaya yerləşdirilib. Onun vəziyyətinin ağır olduğu bildirilir.

Faktla bağlı araşdırma aparılır.