Londonda terakt: 20 yaralı – Video/Yeniləndi

11:51

İngiltərənin paytaxtı Londonda yerləşən metro stansiyalarından birində güclü partlayış olub.

Teleqraf.com xəbər verir ki, bununla bağlı “The Sun” qəzeti məlumat yayıb.

***

12:05

Londonun “Parsons-Qrin” metro stansiyasında baş verən partlayış zamanı bir neçə nəfər yanıq xəsarəti alıb.

Məlumatı London polisi təsdiqləyib. Hadisə yerində dərhal təcili yardım və fövqəladə hallar idarələrinin əməkdaşları cəlb edilib.

Hadisənin təfərrüatları açıqlanmır. Sosial şəbəkələrdə hadisə yerindən görüntülər yerləşdirilib.

Həmin görüntüləri təqdim edirik:

***

13:44

Londonun “Parsons-Qrin” stansiyasında baş vermiş partlayış terror aktıdır.

Bununla bağlı London polisinin rəsmi nümayəndəsi məlumat verib. Onun sözlərinə görə, araşdırmalar zamanı partlayışın terrorçu tərəfindən törədildiyi aydınlaşıb.

Hadisəyə görə məsuliyyəti hələlik heç bir qruplaşma üzərinə götürməyib.

***

Londonda baş verən terror aktında azı 20 nəfər yaralanıb.

Bu məlumatı London səhiyyə idarəsi yayıb. Yaralılar dərhal yaxınlıqdakı xəstəxanalara çatdırılıb. Onlardan bəzilərinin vəziyyətinin ağır olduğu bildirilib.

Bu arada, London polisi şəhərin mərkəzi küçələrindən birində partlayıcı ilə dolu avtomobil aşkar edib. Dərhal yaxınlıqdakı insanlar təxliyyə edilib. Avtomobildəki partlayıcılar zərərsizləşdirilib.