21 mərtəbəli bina yandı, 13 nəfər boğuldu

Vyetnamın Ho Ci Minh şəhərində yanğın baş verib. Nəticədə 13 nəfər həlak olub, 27 nəfər isə yaralanıb.

Teleqraf.com xəbər verir ki, şəhərdə bir-birinə yaxın olan 3 bina yanıb.

6 il əvvəl inşa edilən 21 mərtəbəli 3 binada 736 mənzil mövcuddur.

Rəsmilər yanğın zamanı vəfat edənlərin çoxunun özlərini itirərək binalardan aşağı tullanan və tüstüdən boğulanlar olduğunu deyib.

Məlumata görə, polis 100-dən çox şəxsin həyatını xilas edə bilib, min nəfərdən çox insan isə yanğın zamanı binalardan çıxıb.