Qusarda yaşayış evinə silahlı basqın: 2 nəfər həbs edildi

Qusar rayon polis şöbəsi əməkdaşlarının keçirdikləri əməliyyat tədbirləri nəticəsində rayon ərazisindəki evlərin birindən qızıl əşyalar oğurlamaqda şübhəli bilinən Bəhruz Nurullayev saxlanılıb.

Teleqraf.com xəbər verir ki, onun rayon sakinləri, əvvəllər məhkum olunmuş Nadim Ağaxanov və Şıxzada Şıxıyevlə birgə rayon ərazisindəki daha bir evə daxil olaraq ev sahibinə bıçaqla xəsarət yetirib, oradan 1200 manat dəyərində qızıl əşyalar aparmaları da müəyyən edilib.

Görülmüş tədbirlərlə N.Ağaxanov saxlanılmış, Ş.Şıxıyevin isə ötən ilin mayında Rusiya Federasiyası ərazisində xəstəlikdən ölməsi müəyyən edilib.