Bakıda əməliyyat: həbsxanaya silah-sursat keçirmək istədilər – Foto

Penitensiar xidmətin əməliyyat aparatının həyata keçirdiyi əməliyyat-axtarış tədbirləri nəticəsində Bakı istintaq təcridxanasına qadağan edilmiş əşyaların keçirilməsi cəhdinin qarşısı alınıb.

Teleqraf.com xəbər verir ki, istintaq təcridxanasıbnda saxlanılan Eldar Xudiyevə tanışı Qabil Əliyev tərəfindən gətirilmiş sovqata baxış keçirilib.

Baxış zamanı sovqatdan ümumi uzunluğu 20 sm olan, üzərində “Stainless Steel” sözləri yazılmış bıçaq, və 12 sm olan biz aşkar edilərək götürülüb.

Eldar Xudiyev Cinayət Məcəlləsinin 234.1-ci (satış məqsədi olmadan qanunsuz olaraq narkotik vasitələri və ya psixotrop maddələri şəxsi istehlak miqdarından artıq miqdarda əldə etmə, saxlama, hazırlama, emal etmə, daşıma) maddəsi ilə təqsirli bilinərək həbs edilib.

Faktla bağlı araşdırma aparılır.