Müəllim şagirdləri əzdi - Video

Türkiyənin İstanbul şəhərində orta məktəblərin birinin qarşısında müəllim avtomobillə 4 şagirdi vurub.

Teleqraf.com "Cnnturk"ə istinadla xəbər verir ki, avtomobili ilə məktəbdən ayrılan qadın müəllim səhvən əyləc yerinə qaza basıb və yol kənarı ilə gedən 4 şagirdin üstünə sürüb. Məktəblilərdən ikisi xəsarət almasa da, digər ikisi avtomobillə divarın arasına qalıb.

Hazırda xəstəxanada olan yaralıların müalicəsinin davam etdirildiyi bildirilib. Məktəbin təhlükəsizlik kamerasına düşən qəzanı törədən müəllim isə nəzarətə götürülüb.