Bakıda həbsdən çıxan qadın yenidən cinayət törətdi

Bakının Nəsimi rayonunda oğurluq hadisəsi baş verib.

Teleqraf.com xəbər verir ki, rayon ərazisində Bakı şəhər sakini A.Əmirovanın çantasından 300 manat oğurlanıb.

19-cu polis şöbəsi əməkdaşlarının keçirdikləri əməliyyat tədbirləri nəticəsində oğurluğu törətməkdə şübhəli bilinən Ağdam rayon sakini S.Quliyeva saxlanılıb.

O, əvvəllər oğurluq, qanunsuz olaraq narkotik vasitə istifadə etdiyinə və saxladığına görə, o cümlədən rəsmi sənədləri, ştampları, möhürləri oğurladığına görə məhkum olunub.

Faktla bağlı cinayət işi başlanıb.