Bakıda universitetdə yanğın oldu - FHN-dən açıqlama/Yeni

Fövqəladə Hallar Nazirliyi paytaxtda baş verən yanğınla bağlı məlumat yayıb.

Teleqraf.com xəbər verir ki, yanğın paytaxtın Səbail rayonunda yerləşən Azərbaycan Dövlət İqtisad Universitetinin əsas binasında baş verib.

Hadisə nəticəsində üçmərtəbəli binanın ikinci mərtəbəsində ümumi sahəsi 127 kv.m olan otaqda rəflər, sənədlər, 15 kv.m sahədə bir ədəd kondisioner və dörd ədəd kompüter yanıb.

Bina yanğından mühafizə olunub. Yanğın söndürülüb.

***

09:43

Azərbaycan Dövlət İqtisad Universitetində (UNEC) yanğın olub.

Teleqraf.com-un əldə etdiyi məlumata görə, yanğın ali məktəbin əsas tədris binasındakı tədris mərkəzi otağında baş verib.

Hadisə yerinə Fövqəladə Hallar Nazirliyinin (FHN) yanğınsöndürən maşınlıarı və canlı qüvvəsi cəlb olunub.

Yanğının qarşısı alınıb.

Yanğın nəticəsində tədris mərkəzindəki bir neçə avadanlığa zərər dəyib.