DİN-dən iki dəhşətli qəza ilə bağlı - Rəsmi məlumat

Daxili İşlər Nazirliyi Göyçay rayonunda ölümlə nəticələnən yol-nəqliyyat hadisəsi barədə məlumat yayıb.

Teleqraf.com xəbər verir ki, rayonun Cəyirli kəndi ərazisində rayon sakinləri R.Abdullayevin idarə etdiyi “Daewoo” və Ələkbər Babayevin idarə etdiyi “VAZ-21011” markalı avtomobillər toqquşub.

Nəticədə Ə.Babayev hadisə yerində ölüb, sərnişini Aqşin Allahverdiyev isə xəstəxanaya yerləşdirilib və orada ölüb.

Daha bir yol qəzası Kürdəmir rayonunda baş verib.

İmişli rayon sakini Abbas Kərimov idarə etdiyi "Mercedes" markalı avtomobil Kürdəmir rayon sakini Ceyhun Piriyevin sürdüyü "Nissan" markalı avtomobillə toqquşub.

Nəticədə "Mercedes" markalı avtomobildə olan 3 sərnişin hadisə yerindəcə dünyasını dəyişib.

Digər 4 sərnişin isə ağır bədən xəsarətləri alıb.

"Nissan"da olan sərnişinlərdən 4-ü isə ağır bədən xəsarətləri alaraq Kürdəmir Rayon Mərkəzi Xəstəxanasına çatdırılıb.

Hər iki faktla bağlı araşdırma aparılır.