İmişlidə silahlı insident: 2 yaralı/Yeni

İmişli rayonunda iki nəfərə xəsarət yetirməkdə ittiham olunan Ramin Həmidova əlavə ittiham verilib.

Teleqraf.com-un xəbərinə görə, Ramil Həmidovun barəsində Cinayət Məcəlləsinin 221.3-cü (silahdan və ya silah qismində istifadə olunan əşyalardan istifadə edilməklə törədilməsi zərər çəkmiş şəxsə zor tətbiq olunması ilə, yaxud özgənin əmlakının məhv edilməsi və ya zədələnməsi ilə müşayiət olunan xuliqanlıq törətmək) maddəsi ilə ittiham elan edilib.

İş üzrə istintaq-əməliyyat tədbirləri davam etdirilir.

***

12:05

İmişli rayonunda silahlı insident olub.

Teleqraf.com xəbər verir ki, İmişli rayonunun Qulubəyli kəndi ərazisindən keçən Mil-Muğan kanalında Gövhərli kənd sakini K.Kərimovun və Qaradonlu kənd sakini E.Cəfərovun qayıqla balıq tutarkən bir nəfərin ov tüfəngindən açdığı atəşdən yüngül qırma xəsarətləri almaları barədə İmişli rayon polis şöbəsinə məlumat daxil olub.

Faktla əlaqədar Cinayət Məcəlləsinin 221-ci (xuliqanlıq) maddəsi ilə cinayət işi başlanıb.

İmişli rayon polis şöbəsi əməkdaşlarının keçirdikləri əməliyyat-axtarış tədbirləri nəticəsində xuliqanlığı törətməkdə şübhəli bilinən Hacıqabul rayon sakini Ramil Həmidov saxlanılıb.

Ondan cinayəti törədərkən istifadə etdiyi “MC-2112” markalı ov tüfəngi götürülüb.