Sumqayıtda mağazaya basqın edildi

Sumqayıt şəhərində quldurluq hadisəsi baş verib.

Teleqraf.com xəbər verir ki, şəhərin Novruz qəsəbəsi ərazisindəki mağazaların birində satıcı X.Hüseynovu bıçaqla hədələyib, əl-ayağını iplə bağlayıblar.

Daha sonra həmin şəxslər kassadan 1070 manat, 6000 manat dəyərində tütün məmulatı, spirtli və sərinləşdirici içkilər aparıblar.

Sumqayıt şəhər Polis İdarəsinin 1-ci polis bölməsi əməkdaşlarının keçirdikləri əməliyyat-axtarış tədbirləri nəticəsində quldurluğu törətməkdə şübhəli bilinən şəhər sakinləri M.Abdullayev və C.Bayramzadə saxlanılıblar.

Onların hər ikisinin əvvəllər məhkum olunduğu üzə çıxıb.

Faktla bağlı araşdırma aparılır.