FHN Bərdədəki yanğınla bağlı məlumat yaydı

Fövqəladə Hallar Nazirliyi (FHN) Bərdə rayonunda baş verən yanğın hadisəsi ilə bağlı daha bir məlumat yayıb.

Nazirlikdən Teleqraf.com-a verilən məlumata görə, ümumi sahəsi 896 m² olan bir dam altında tikilən müxtəlif təyinatlı obyektlərdən sahəsi 126 m² olan çayxananın yanar konstruksiyaları, sahəsi 84 m² olan mağazanın dam örtüyünün yanar konstruksiyaları və sahəsi 42 m² olan digər mağazanın lambirindən ibarət tavanı yanıb.

Hər üç mağazanın qalan hissəsi və bitişik digər obyektlər yanğından mühafizə olunub.

Yanğın yanğından mühafizə bölmələri tərəfindən söndürülüb.