Tovuzda dağlıq ərazidə yanğın söndürüldü - Yeni

Tovuz rayonunun Yanıqlı kəndi yaxınlığında mürəkkəb relyefli dağlıq ərazidə baş verən yanğın söndürülüb.

Fövqəladə Hallar Nazirliyinin (FHN) mətbuat xidmətindən Teleqraf.com-a bildiriblər ki, yanğın zamanı dörd hektar sahədə qaratikan kolları və quru ot yanıb.

Yanğın FHN-in Dövlət Yanğından Mühafizə Xidmətinin yanğından mühafizə bölmələrinin şəxsi heyəti tərəfindən söndürülüb. Yanğın mürəkkəb relyefli dağlıq ərazidə baş verdiyindən onun söndürülməsi üçün əsasən əl əməyindən istifadə edilib.

Yaxınlıqdakı meşə zolağı yanğından mühafizə olunub.

* * *

12:11

Tovuzda dağlıq ərazidə yanğın başlayıb.

Fövqəladə Hallar Nazirliyindən (FHN) Teleqraf.com-a verilən məlumata görə, nazirliyin "112" qaynar telefon xəttinə, Tovuz rayonu, Yanıqlı kəndi yaxınlığında, mürəkkəb relyefli dağlıq ərazidə yanğın hadisəsi barədə məlumat daxil olub.

Məlumatla əlaqədar FHN Dövlət Yanğından Mühafizə Xidmətinin yanğından mühafizə bölmələri yanğınsöndürmə işlərinə cəlb olunub.

Hazırda yanğının söndürülməsi istiqamətində operativ və təxirəsalınmaz tədbirlər həyata keçirilir. İlkin məlumata əsasən, təqribən 2 ha sahədə kol-kos yanır.

Əlavə məlumat veriləcək.