Dondar Quşçuda qəza - Yaralılar var

Tovuzda qəza olub, xəsarət alanlar var. Hadisə rayonun Dondar Quşçu kəndində qeydə alınıb.

Teleqraf.com xəbər verir ki, hərəkətdə olan "VAZ 21015" markalı minik avtomobilinin sürücüsü idarəetməni itirib. Nəticədə avtomobil yoldan çıxaraq aşıb və yol kənarındakı ağaca çırpılıb.

Qəza zamanı sürücü 31 yaşlı Murad Əsgərov və onun atası Akif Əsgərov xəsarət alaraq xəstəxanaya yerləşdirilib. Yaralıların vəziyyətinin kafi olduğu bildirilir.

Faktla bağlı araşdırma aparılır.