Gənc oğlan öldürüldü - Mübahisə zamanı bıçaqla...

Avqustun 27-i Sumqayıtda 2000-ci il təvəllüdlü Pərvin Dadaşov öldürülüb.

Sumqayıt şəhər prokurorluğundan Teleqraf.com-a verilən məlumata görə, hadisə saat 13-00 radələrində baş verib.

Aparılmış araşdırmalarla zərərçəkmişin tanışı, 2000-ci il təvəllüdlü Səftər Bünyətovun şəxsi münasibətlər zəminində aralarında yaranmış mübahisə zamanı bıçaqla xəsarətlər yetirərək Pərvin Dadaşovu qəsdən öldürməsinə əsaslı şübhələr müəyyən edilib.

Faktla bağlı Sumqayıt şəhər prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb.

Səftər Bünyətov şübhəli şəxs qismində tutularaq istintaqa cəlb edilib.

İstintaq tədbirləri davam etdirilir.