Hacıqabulda ağır qəza - Ölən və yaralanan var

Hacıqabul rayonunda “Prado” və “Qazel” markalı avtomobillər toqquşub.

Teleqraf.com “Report”a istinadla xəbər verir ki, qəza nəticəsində bir nəfər hadisə yerində ölüb.

İki nəfər Laçın rayon sakini - 1995-ci il təvəllüdlü Ağayev Şəfa İmdad oğlu və 1987-ci il təvəllüdlü Məmmədov Dəyanət Məhərrəm oğlu müxtəlif dərəcəli xəsarətlər alıb.

Yaralılar Hacıqabul Rayon Mərkəzi Xəstəxanasına yerləşdirilib.

Hazırda ölən şəxsin kimliyi dəqiqləşdirilir.

Faktla bağlı araşdırma aparılır.

***

16:33

Hacıqabul rayonunda baş verən yol qəzasında ölən və yaralanan var.

Teleqraf.com xəbər verir ki, hadisə Bakı-Qazax magistralının rayon ərazisindən keçən hissəsində qeydə alınıb.

İlkin məlumata görə, qəza zamanı bir nəfər ölüb, bir nəfər isə yaralanıb. Onların kimlikləri dəqiqləşdirilir.

Faktla bağlı araşdırma aparılır.