Qəzzada kritik durum: Sığınacaqda vuruldular

Qəzza zolağının Xan Yunis şəhərinin şimal-şərqində İsrail ordusunun hücumu nəticəsində güclü partlayış baş verib.

Teleqraf.com "RİA Novosti"yə istinadən xəbər verir ki, israillilər Qəzza zolağının şimalından qaçqın düşmüş minlərlə insanı sığınacaqda vurublar. Jurat Əl-Akkad bölgəsində çox güclü partlayışın baş verdiyi qeyd edilir.

Fevralın 3-də Fələstinin radikal HƏMAS hərəkatının Qəzza zolağında saxlanılan məhbusların müqabilində İsrail həbsxanalarından üç min fələstinli məhbusun azad edilməsini tələb etdiyi bildirilib.

Məlum olub ki, İsrail və Fələstin qrupları arasında münaqişənin həllində vasitəçilər altı həftəlik Qəzza zolağında atəşkəsin yaradılmasını təklif edirlər.