Xaçmazda ağır yol qəzası: Səkkiz nəfər xəsarət aldı
25 İyul 12:50
370
Bakı-Quba-Rusiya ödənişli avtomagistralının 153-cü kilometrində - Xaçmaz rayonunun Hülövlü kəndindən keçən hissəsində ağır xəsarətlə nəticələnən iki yol-nəqliyyat hadisəsi qeydə alınıb.
Teleqraf.com xəbər verir ki, “Chery” markalı minik avtomobili ödənişli yolda idarəetmədən çıxaraq aşıb.
Ardınca eyni ərazidə “Chevrolet” markalı minik avtomobili arxadan yolun kənarında dayanmaq istəyən “KIA” markalı maşına çırpılıb.
Baş verən qəzalar nəticəsində ümumilikdə səkkiz nəfər müxtəlif dərəcəli bədən xəsarətləri alıb.
Yaralılar təcili tibbi yardım briqadalarının köməyi ilə Xaçmaz rayon Mərkəzi Xəstəxanasına aparılıb.
Müəllif:
Mənbə/Report
.jpg)
