Meyiti oğurlayan qadının məhkəməsi başladı

Cənazə evindən insan qalıqları olan tabutu oğurlayan 47 yaşlı qadının məhkəməsi başlayıb.

Teleqraf.com xarici mətbuata istinadən xəbər verir ki, hadisə ABŞ-ın Las-Veqas şəhərində baş verib.

İstintaqın məlumatına görə, 47 yaşlı qadın avqustun 27-də cənazə evindən tabutu sürüyərək oğurlayıb. Daha sonra sürükləməyə gücü çatmadığı üçün onu qapının ağzında qoyub.

İfadəsi zamanı qadın həmin gün içkili olduğunu və narkotik qəbul etdiyini deyib. Buna görə də hadisə gününü xatırlamadığını vurğulayıb.