Putin Avropa Oyunlarının açılışına gələcək

Rusiya Prezidentinin mətbuat katibi Dmitri Peskov Rusiya Prezidenti Vladimir Putinin iyunda Bakıda keçiriləcək I Avropa Oyunlarının açılışında iştirak edə biləcəyini açıqlayıb.

Teleqraf.com-un Rusiya mediasına istinadən verdiyi xəbərə görə, Peskov deyib: “Həqiqətən, dəvət var. Belə bir səfərin olacağını istisna etmək olmaz. Amma səfərin nə zaman baş tutacağı barədə qəti qərar qəbul ediləndə biz bu haqda əlavə məlumat verəcəyik”.

Qeyd edək ki, gələcəkdə 4 ildən bir keçiriləcək Avropa Oyunları ilk dəfə Bakıda bu ilin iyunun 12-dən 28-dək baş tutacaq. Yarışların gedişatında idmançılar 20 idman növü üzrə 253 medal dəsti uğrunda yarışacaqlar. Onlardan 11-i 2016-cı ildə Rio de Janeyroda keçiriləcək Olimpiadaya lisenziya xarakterlidir.

Nərgiz