Deputat AŞPA-nın komitə iclasında iştirak etmək üçün Parisə gedir

Milli Məclisin deputatı Sahibə Qafarova Avropa Şurası Parlament Assambleyasının Büro və Daimi Komitəsinin toplantılarında iştirak etmək üçün bu gün Fransanın paytaxtı Parisə səfər edir.

Teleqraf.com Milli Məclisə istinadən qeyd edir ki, büro iclasında Avropa Şurasının Baş katibi Torbörn Yaqland və bir sıra vəzifəli şəxslərin çıxışları dinləniləcək, habelə Qazaxıstanda, Makedoniyada və Serbiyada son parlament seçkilərinin nəticələri ilə bağlı məsələlərə baxılacaq.

Qurumun Daimi Komitəsinin yığıncağında miqrasiya, qaçqınlar, məcburi köçkünlər və miqrantlar problemi, vətənindən kənar düşmüş uşaqların vəziyyəti, Avropadakı muzey və kitabxanaların müasir durumu, Kinematoqrafiya istehsalı üzrə Avropa konvensiyasının layihəsi müzakirə olunacaq.

Nemət