Emil Balayev: “Qarabağ”a transferim mənim üçün xoş oldu”

“Qarabağ” Emil Balayevlə müqavilə imzalandığını rəsmən açıqlayıb.

Teleqraf.com xəbər verir ki, qapıçı yeni klubuna keçidi haqda fikirlərini bölüşüb: “İlk olaraq, baş məşqçi Qurban Qurbanov və klub rəhbərliyinə mənə inandıqlarına görə təşəkkürümü bildirirəm, çalışacam ki, bu etimadı doğruldum. "Qarabağ"a transferim mənim üçün xoş oldu. Klubsuz qaldığım müddətdə də mənə bu komandada məşq etməyə icazə verdiklərinə görə bir daha təşəkkür edirəm. Belə səviyyəli komandayla məşq etmək mənə çox şey öyrətdi. Çalışacam, oyun praktikamı artıraraq gələcəkdə komandama kömək edim”.