“Barselona”dan inanılmaz nəticə

“Barselona” çempionluq yolunda ciddi zərbə alıb.

Teleqraf.com-un xəbərinə görə, bu gün La Korunyada turnir cədvəlinin aşağı pillələrində qərarlaşan “Deportivo”nun qonağı olan Luis Enrikenin komandası 1:2 hesabı ilə uduzub. La Liqada qalmaq uğrunda yarışan “Deportivo” isə bu qələbə sayəsində 15-ci pilləyə yüksəlib.

“Deportivo” – “Barselona” – 2:1
Qollar: Joselu, 40 (1:0), Luis Suares, 46 (1:1), Alexandro Berqantinos, 74 (2:1)

27 oyundan sonra “Barselona” 60 xalla liderdir. Lakin ondan cəmi 1 xal geri qalan – 59 xala malik “Real” Kataloniya klubundan 2 oyun az keçirib.

“Real”ın növbəti matçı bu gün Bakı vaxtı ilə saat 23.45-də “Real Betis”ə qarşı başlayacaq.