UEFA “PSJ” klubunu araşdırır

UEFA Parisin “PSJ” klubuna qarşı araşdırmaya başlayıb.

Teleqraf.com xəbər verir ki, “PSJ” maliyyə “fair-play”ini pozmaqda şübhəli bilinir. “Yaxın aylarda İstintaq Palatası işlə əlaqəli bütün sənədləri hərtərəfli qiymətləndirmək üçün mütəmadi görüşlər keçirəcək”, məlumatda qeyd olunur.

Qeyd edək ki, yay “transfer pəncərəsi” zamanı "Barselona”dan rekord məbləğə, 222 milyon avroya braziliyalı Neymarı transfer edən PSJ daha sonra “Monako”dan Kilian Mbappeni icarə əsasında heyətinə qatıb. Maliyyə “fair play”-i layihəsi UEFA-nın icraiyyə komitəsi tərəfindən 2009-cu ildə təsdiqlənib.