Voleybol millimiz yarımfinala yüksəldi

Azərbaycan millisi Bakıda qadınlar arasında voleybol üzrə Avropa çempionatı çərçivəsində növbəti oyununu keçirib.

Teleqraf.com xəbər verir ki, 1/4 finalda Almaniyadan olan rəqibləri ilə qarşılaşan voleybolçularımız ilk setdə inamlı oyun nümayiş etdiriblər - 25:20.

İkinci set də millimizin üstünlüyü ilə başa çatıb - 25:18.

Alman idmançılar üçüncü setdə də təmsilçilərimizlə bacara bilməyiblər - 25:20 (3:0).

Beləliklə, yığmamız Avropa çempionatının yarımfinalına yüksəlib. Millimiz sabah Niderlandla qarşılaşacaq.