Ukraynalı futbolçu Azərbaycanda oynaya bilər

PAOK-un müdafiəçisi Yevgeni Xaçeridi karyerasını ölkəmizdə davam etdirə bilər.

Teleqraf.com xəbər verir ki, bu barədə Ukrayna mətbuatı məlumat yayıb. İddiaya görə, 31 yaşlı futbolçu Macarıstan və Rumıniya ilə yanaşı, Azərbaycan klublarının birindən təklif alıb. Ancaq yerli mətbuat həmin komandanın adını açıqlamayıb.

Qeyd edək ki, Xaçeridinin PAOK-la 2021-ci ilin yayına kimi müqaviləsi var. Ukraynalı müdafiəçinin transfer məbləği 2,5 milyon avrodur.