Riberi “Bavariya”nı tərk edir

“Bavariya”nın futbolçusu Frank Riberi mövsümün sonunda komandadan ayrılacağını təsdiqləyib.

Teleqraf.com xəbər verir ki, fransalı yarımmüdafiəçi bu barədə klubun rəsmi saytına açıqlama verib.

“Vidalaşmaq asan olmayacaq. Birlikdə qazandığımız uğurları heç vaxt unutmayacağıq. Burada 20-dən çox titul əldə etmişəm” - deyə Riberi bildirib.

Qeyd edək ki, 36 yaşlı futbolçu 2007-ci ildən Münhen klubunda çıxış edir. O, bu müddət ərzində 422 oyuna 123 qol vurub.