Futbolçumuzdan “Spartak”a gözəl qol - Video

Azərbaycanın U-21 yığmasının sabiq futbolçusu Kamran Əliyev Rusiya çempionatının I divizionunda növbəti oyununu keçirib.

Teleqraf.com xəbər verir ki, futbolçumuzun formasını geyindiyi "Ximki” XI turda Moskva "Spartak”ının ikinci komandası ilə qarşılaşıb. "Ximki”nin 1:0 hesabı ilə yekunlaşan matçında yeganə qola müəllifi Kamran imza atıb.

Futbolçumuz 46-cı dəqiqədə meydana daxil olub və 70-ci dəqiqədə fərqlənib. Bu onun cari mövsümdə 5-ci qolu olub.

Qeyd edək ki, "Ximki” 11 turdan sonra 27 xalla 20 kollektiv arasında 2-ci pillədə qərarlaşıb.