Tramp yenidən prezident seçilsə... - Medvedevdən şok sözlər

ABŞ prezidentliyinə namizəd Donald Tramp seçilərsə, rəqibi Kamala Harris kimi Rusiyaya qarşı sanksiyaları ləğv etməyəcək.

Teleqraf.com xəbər verir ki, bunu Rusiya Təhlükəsizlik Şurasının sədr müavini Dmitri Medvedev deyib.

O bildirib ki, buna görə də ABŞ dağılana qədər Rusiyaya qarşı məhdudiyyətlər həmişə qüvvədə olacaq:

"Tramp başa düşür ki, sanksiyalar dünyada dolların hökmranlığına xələl gətirir. Amma o, ABŞ-da inqilaba start verəcək və bədnam dərin dövlətin anti-Rusiya xəttinə qarşı çıxacaq qədər axmaq deyil. Üstəlik, Kamala Harrisdən heç bir sürpriz gözləmək lazım deyil. Çünki o, təcrübəsiz və axmaqdır".