Millimizin qapıçısından yeni rekord

Millimizin qapıçısı Emil Balayev özünə məxsus olan rekordu yeniləyib.

Teleqraf.com xəbər verir ki, “Tobul”un üzvü olan 25 yaşlı futbolçumuz Qazaxıstan “Jetisu” ilə dünən keçirilən Qazaxıstan çempionatının 28-ci turunun oyununda da (0:0) qapısını toxunulmaz saxlayıb. Bununla da onun ardıcıl qol buraxmadığı matçların sayı 8-ə çatıb.

Emil sonuncu dəfə iyulun 28-də “Kaysar”la ev matçında (0:2) qol buraxıb. Ümumilikdə o, 699 dəqiqədir çərçivəni toxunulmaz saxlayır. Balayev bununla cari mövsümdə özünə məxsus olan 683 dəqiqəlik rekordu yeniləyib.